بيقولوا: العتب عا قدّ المحبّة...صح وأكثر...

لأوّل مرّة بتجتمع بنفسي عوامل كثيرة..بتصارعني...شي إكتب وشي أوع تكتب...ورأيي كان إكتب والمسلّم الله..بدون تجريح كل مسؤول آدمي عندو ظروفو...مفروض يداري ..بس لازم يدافع عن كل قانون ضد الفقرا والمعتّرين...وأنا مع هالطرح لكن بعدالة مع القوانين كلها...وعنا بثيروا الضجّة حول قانون ما....وبالظل بيمرقوا قوانين بتهجّر الفقير...

ليش تصارعت مع عواملي النفسيّة؟؟؟؟

إذا بدي إحكي عن مسؤول ما...ولفظت أول حرف بتجي الخبطة...مثلاً بدي قول كلمة بتبلّش بحرف الس...أو الح...أو........؟أي كلمة ممغنطة... باكل علقة...السامع بيفكّر س:سارق..وبالواقع إنت ناوي تقول عن المسؤول:سموح...والح...بيفكروك رح تقول حرامي؟؟؟وإنت ناوي تقول:حبيبي.

العقدة مش هون...العتب إنّو من فترة قانون الإيجارات ما حدا من نوابنا إللي بيدّعوا إنن مع الفقرا والمعتّرين والمشحرين شوي بيتآمروا على هالمشحّرين وبيوافقوا بالإجماع على رمي مئات آلاف العائلات...بالشوارع...شو همّن؟؟؟؟كلن أصحاب قصور وأموال طائلة..

السلسلة شغلت البال من سنين...وكل ما حكيوا فيها...بتزيد الأسعار...يمكن عم ندفع ضرايب وغلا قد ميّة سلسلة..وهيي محقّة دون شك....وكل ما سمعت خطاب...او فتحت وسيلة إعلاميّة...وكإن قانون الإيجارات التهجيري متّفق عليه ضمناًمع الجميع.....المسايرة عم تشرشح الفقير...كل الأملاك إللي كانت لصغار الملاّكين ...صارت لأولاد الزعما وحيتان المال..

ليش..يا أمل الجماهير...عمرك ما أغفلت مسألة خطيرة مثل قانون الإيجارت؟؟؟؟ونوابنا إللي بنقاتل ليوصلوا بيقعدوا بالقصور والبنوك وبيقى معاشن بينصرف لبعد ميّات السنين؟؟؟

يا كبيرنا.....قانون الإنتخاب ضحك عالناس...رأيي عينوهم حسب السلّة...هنّي ذاتن او مع تغيير بسيط ...ما بينفع طول ما في محاسبة...يا سيدنا قلت العتب عا قدّالمحبّة بتمنى يوصلك إلتماسي....والمستأجر مش عدو حتى نحرر أجارو ونرميه بالشارع...بعد في مجال يتصلّح الغلط...ولو أعطيت لي مسؤولية التحريم...لأفتيت بعدم شرعيّة إنتخاب أي نائب هجّر الفقير....أكيد كل النواب الحاليين..هذه خيانة بحق الفقير والإنسانيّة...لن نسامح؟