بعد شويَة تفكير...وبعد مهاجمة كبيرة لحكّامنا...طلع الذيب بريء من دم يوسف..

الحكّام دراويش...بيبكوا قدّام الملايين...بينقّوا...وبيحكوا عن الهدر...وبعلنوا قرفهم

من الهدر...وبهاجموا بشراسة كل الحراميّة...وبيقسموا إنّن مثال الشرف..

أنا بصدّقن...هنّي ما عم يسرقوا....نحنا عم نفضّي جيوبنا وبنحطن بجيوبن...عمين

بيوقع الذنب؟؟؟؟؟ما بدّي عيد...وإحكي عن كل الخراب بالبلد...أمانة كل شي خربان.

وإذا حدا بيسرق؟؟؟نحن بندافع عنّوا...يعني نحن بنستاهل ضرب(بالصرماية).

نعم الشعب اللبناني محقوق....بتقولوا الزعيم عندوا زلموا...يا ترى هالزلم من المريخ؟؟؟

مننا وفينا من لبنان....بس بيلهوهن بشويّة فتافيت...وظايف وهميّة بيستفيدوا منها...

ووووووووووووو؟؟؟؟؟؟؟؟؟؟؟؟؟؟

الشعب الجاحد

وطيبة ..الحكّام

جاحد يا لبناني...بحق حِكّامك

وعقدة الذنب من سيّءكلامك

الحاكم قلبو أبيض بلون الثلج

ما رح تشوف بطيبتو بأحلامك

ليش بتتهمو بهدر وسرقة الأموال؟

جيوبو فاضية فتّش منيح قدّامك

واقف مثل الملاك والدمع بعيونو

بكل إحترام حنون بردّة سلامك

صحيح .....كلهم بيشكوا وينعوا

إسأل عنهم من قبلك ..وبزمانك

كل العمر إيديهم طاهرة من العفاف

كم مليون سرقة؟؟؟يمكن بي منامك

قالوا سرق؟؟؟؟بس إنت ما شفتو

ويا زعيم سامح من القلب ظلّامك