زرعوا الشوارع بالمستوعبات، بوجودها عمّ الديار الهنا

في قصيدة..عشقناها من طفولتنا...وطن النجوم..لإيليّا أبو ماضي...وما كنّا بنعرف إلاّ الخيام والجوار...حسّينا في بلاد حلوة بوطن إسمو(لبنان) وقد ما لبنان حلو مش بس بموقعو... بمناظرو... كمان بثقافة ناسو وطيبتهم.... كنّا نحس بفخر وشوق للتعرّف على وطن نجوم أبو ماضي....ومع الأسف وطن النجوم ..ما عادوطن النجوم... ولا وطن المي الحلوة الغزيرة...ولا وطن الجبال الخضرة,...

وطننا يا أبو ماضي...صار وطن الكسّارات والمرامل والأنهار الملوثة والقنابل العنقوديّة... والقبضايات... وال.........؟؟؟؟؟؟؟؟

كان لقبو سويسرا الشرق...قولكم بعدوا هيك؟؟؟؟؟؟ أو سويسرا التعتير؟؟؟؟

بالإذن من أبو ماضي؟؟؟؟

حكم العصابات

وطن النفايات ..... أنا هنا

وبهمّة سوكلين عاد مجدنا

كتبوا عنك وكان صدقهم

قالوا:جنّة أنت يا لبناننا

زرعوا شوارعك بالمستوعبات

بوجودها عمّ الديار الهنا

كيف لا؟ ورائحة العطر تفوح

كل لحظة كل يوم في السنة

نعمة من الله يا من دوزنتم

شر القوانين ..زادت بؤسنا

الماء يباع للغريب..ونشتري

تسرقون فيول معامل كهرباءنا

أملاك الناس من الناس نهبت

أيّها الزعماء أين هي أرضنا؟؟؟

مشاع الدولة سجّل بأسمائكم

والبحر ورماله ما عادت ملكنا

لمن أشتكي همومي...وأحوالي؟

إن تكلّمت..أنت نزيل سجننا

والتهمة تحتاج قلماً وورقة

وقلّة ضمير يتمتّع بها حكامنا