صاير فينا مثل فنود الشجر لمّا بتخلق الطرابين الجديدة القديمة بتلتغى

ما بعود إلها عازة مع إنّو القديمة هيِّ البركة وهيِّ الأساس...

مع الأسف وبقولها بكل حسرة كل واحد مشغول باليوم ومبارح مات؟؟؟

هذا الحكي صحيح 100% بس لمّا بندفن مبارح لنعيّش إبن اليوم؟؟؟ كفر..

إلحاد وجريمة والأمثلة كثيرة...بتلاقوها ببيوت فيها أيتام الإم.. وفهمكم كفاية.

سامحوني برجع للهموم لأن العالم كلّو مشقلب مش معروف حرفو من طرفو؟؟

ربنا ما يذوّق ولد يتم الإم.. صعب>> دامي.. ومميت!!!

شجرة الإيّام

شجرة ختيرت وبعهدها صبيي

الحلوة بتبقى حلوة مثل ما هيي

كل الزرع ربنا قدّسو بكتاب

كلام منزل من رب البريي

لولا الزرع منين بنأمّن علاج؟

كل الأدوية من خيرات برّيي

تحتها بحس بحالي والوجود

وبلادنا بجهل العقول مبتليي

بيسقونا المي من نبع المجارير

وبالقناني بتنباع المي النقيي

لشو بنتستغرب شو بيعمل غريب؟

إذا قلب القريب ما فيه حنّيي

الله يعين المحتاج الحنان

وبفتّش عليه بأرض منسيّة.