كلمة خلقت مع الكون... وبنفكّر :القتل والتدمير والتهجير ووووو وكل مشتقّاتن

والإرهاب... بنعيشو كل لحظة... وإلو أسباب بعيدة عن القتل وووووووووووو

تركيبة مجتمعنا مبنيّة عالإرهاب... من طفولتنا بنشربو مع الحليب... تخويفنا من:

الغول مثلاً...

من الموت...

من الكلب....

من من من؟؟؟؟؟

وربي الخوف بقلوبنا...

ولمّا وعينا زاد الخوف... عدم وجود مدرسة(إرهاب) والحرمان من مقوّمات العيش (إرهاب)... توريث السلطة(إرهاب)... قطع المي؟؟؟ الكهربا؟؟؟ كتم الحرّيات؟؟؟؟ وكل شي حوالينا مع الأسف مقترن (بالإرهاب) نعم كل عائلة حاكمة من ال43 لليوم مع بعض الزعما المستحدثين (إرهاب).. ويا ويلك إذا بتحتج... وكل يوم بنشوف الخبيط واللبيط قدّام مجلس النوّاب.. المفروض إنّو (مجلس الشعب).. تصوّروا بدهن يانا نحب الزبالة... طبعاً بالنسبة إلهن بقرة حلاّبة... مثل كل مرافق الدولة.

بتمرق قدّام بيت زعيم... المي دارجة عالطريق.. وإنت عم تشتري المي... الكهربا 24/24 وإنت عم تشتري الكهربا.. ووووووووووووو..

على فكرة زعيم إيّام زمان كان يتركلك كسرة من الرغيف... بس اليوم؟؟ بياكلو كلّو (بلا معنى)

الإرهاب

ناطريتك القتلة كل ما قلت:بدّك

ومن كثر محبتهم:ورّموا خدّك

المي عندك منشفي وكهربا ما في

والمي دارجة والكهربا مشعشعة حدّك

سألت ليش؟؟؟ قالوا بوزك سكرو

صاحب البيت فضلو عليك وعجدّك

عجب يا ناس :صورة هالوج مش غريبي

قالوا:بيك إبن بيك لا تتفلسف بشدّك

أكيد الحبس بيتك إذا بتغلط بكلمي

إنت وكل آدمي بيشد عا مشدّك

بدّك كهربا؟ وبدّك مي؟ ويكنسوا زبالة؟

بدّك أمن لمّا تتهجّر عا بيتك يردّك

ما بدّك خيال صحرا يحركو الدولار

بدّك حامي ما يسرق كل إللي عندك