الكاتب أسعد غصن

ممكن المجنون ما يعرف إنّو عاقل.. والعاقل ما يعرف إنّو مجنون وبيختلط الحابل بالنابل... بصير يحلم بغير وقت الأحلام.. لمّا بيشوف عالم ما بيشبه عالمو... وناس ما بتشبه ناسو.. ولمّا بيوعى شوي....بيعرف إنّو النظام ؟؟السيّد؟؟؟مش التشبيح؟؟ولا السرقة؟

ولا.ولا. ولا؟؟؟؟ والشعارات الكذّابة والتفنيص عالناس.. وتقاسم أرزاق الناس...فعلاً بتكره بلدك وزعما بلدك وبتنفر من حالك..

بتخاف من حالك... وبيمرق الفرق الكبير الشاسع بين ناس مجموعين من كل اقطار الكون... وبين شعب بلدك إللي مفتكر ربنا خلق هالكون كرمال عيونو...وبالواقع ... حشرة صغيرة قدّام الوطن الحقيقي والشعب الحقيقي... يا لبناني روح لبرا...عادول العالم السابع عشر بتلاقي حالك بعدك عايش بقرون ما قبل التاريخ؟؟؟؟؟؟

عاقل.. أو مجنون؟؟

بالمراية بتشوف حالك

صعب يخطر على بالك

إللي شايفو إنسان

...........

وكثار بيتهموك بجنون

وبتصير عندهم ملعون

خسارة فيك يا لبنان

..........

شعب مش مسؤول

والمسؤول مكبّل ومغلول

وبالخبث مليان

..........

مشكلة البلد بالأخلاق

وملزقينا عليهم بالنفاق

والله يرحم زمان

.........

الزعيم كان ياكل شوييٍّ

والشعب يقول:خطييِّ

وما عمّر وعالنصب فلتان؟؟؟

.........

ولا سرق أملاك دولة

ولا صال مليون صولة

بيبقى مصاحب الحرمان

.........

وزعيم اليوم وولادوا

عالنهب والسرقة إعتادوا

وباعوا الناس بالمجّان

..........

والبحر بالوسخ طمروه

والشط من الرمل عرّوه

والبنك بمصرياتهم عمران

.........

وبيحاضروا هنّي الشرف

وما حدا خطيّة إقترف

وإنن عمّروا البلدان

...........

وقبلن الوطن عمران

زينة الأرض والجيران

همّن يبقى الشعب غفلان

.........

جبالنا العالية كسارات

والوديان مكب النفايات

ويا ليتهم عميان

.........

والوطن بيبقى وطن

ومن كل الناس بينسكن

مش ينباع للعربان؟؟؟

.........

ليش عم نخرّب الأوطان؟

بإيدين الإنس والجان؟

يا محلا الوطن إللي كان

.........

أجمل مناظر جبالو

وربنا خلقو لحالو

جنّة ومجمع الأديان.