جمعية ماراتون حرمون حددت النهار...

وجمعية سيدات الخيام بالمشاركة أكدت القرار...

والكل تحمّس والتزم.. وبشوق كان الانتظار...

عالموعد كانوا كتار.. زغار وكبار....

مع إنو صعب درب المشوار...

بس كان الكل مستعدين ومبسوطين....

لأنن عا جبل حرمون.. مَشي رايحين...

بمعبد بعل جاد كانت الأحد الصبحية...

وهيصة وتشجيع وضيافة قروية...

وتوزيع تيشرتات وشنط موحدة لتكتمل الخبريّة...

وبلّش المشي.. طلعات ونزلات وأحلى مناظر طبيعية...

شي مِشي للآخر... شي رجع من نص الدرب...

بس ردة فعل الكل كان المشوار كتير حلو وغمر الفرح القلب...

ومن كل القلوب للمنظمين والمرشدين دعوات يحميهن الرب...

هيدا أول مشوار.. وبالإيام الجايي المشاوير كتار...

انطرونا بنشاطات جديدة.. تكون متل.. أو أحلى من هالنهار...