وجّه متعهد الحفلات، ​عماد قانصو​، كلمة مؤثّرة لإبنه «جواد»، وذلك بمناسبة تخرجه.

وقد ضجت الصفحات الفنية بكلمة عماد التي كان قد نشرها عبر صفحته الخاصة مع صور تجمعه مع نجله وصور أخرى لـ "جواد" وهو بملابس التخرج حيث كان قد كتب قائلاً:

«

بيوم تخرجك من مرحلة الطفولة وعيد ميلادك السادس كانوا احلى ست سنين شعرت اني شجرة عم انحني لاعمل من ضهري إلك جسر لتعبر وتطير.

عم تكبر بعمرك يا جواد وعم تحليلي ما بقيلي من عمر وتروح لسنين .

خود من عمري وكل ما بملكو وكل الفرح والاعياد وتعب السنين .

وهون بلش مية سؤال يدور براسي وسؤال:

_ حتكون إلي سند لما بتسوء فيّ الاحوال؟

_ حتفرح قلبي وتكبر و شوفك عريس حدك بنت الحلال؟

_ بدك ترفعلي راسي بشهادة تتحدى فيها الزمان؟

_ بشوف ولادك وقلهن تقبروني يا جدّو وشوف ضحكتهن إلى مدى وامتداد؟

خلص ما بدي ضيع اللحظة وفكر كثير عطيني ايدك نمشي انا وانت بالعمر عليك الهم بكير .

كل عيد ميلاد يحلالك العمر وانت عمرى يا جواد.

»

أسرة موقع خيام دوت كوم تهنئ، إبن بلدتنا الخيام، الصديق عماد قانصو والسيدة عقيلته على تفوّق نجلهما جواد، ونتمنى لـ جواد العمر المديد بالهناء تحت جناح والديه وبالتألق الدائم فهذا الشبل من ذاك الأسد!