إيد الغدر حامل المنشار وبإيد المحبّة باقة الأزهار

كل سنة مثل اليوم ..بنص الشهر..بيطل مبسوط.. بيسلّم.. وأنا مقهور.. ليش؟؟؟

كلنا بنعرف لمّا ذكرى الميلاد بتشرّف...يعني رح تأخذ من العمر سنة..

وغصب عنّك ولأنّك مجبور حتّى تفرّح إللي حواليك.. شفاف بتعلن عن إبتسامة ممزوجي بالمرارة... صحيح هيك الحياة.. بس لمّا بتشوف الحبايب حواليك كل سنة.. بتنسى عمرك.. وبنفس الوقت بتخاف تتركن يوماً ما..

قولكن اليوم أي كفّة بترجح؟؟؟

العمر...والمنشار؟؟؟

بإيد الغدر حامل المنشار

وبإيد المحبّة باقة الأزهار

بيغريك بريحة الوردة!!!

وبعمرك بيولّع....نار

كل سني بيقطع سني

وفجأة..إسمك الختيار

أكيد بالجسم لإنّو القلب

بيبقى شبّ ومخزن الأسرار

والكل مبسوط بيهبهبولك

حلوة الجمعة بقلب الدار

بس العمر عم ينقص

وبتقرّب نهاية المشوار

وبترفع إيديك للسما

يا رب تحفظ ولاد صغار