الكاتب أسعد غصن

ساعات الشيطان بيعشش براسي.. بفكر عني.. بيكتب عني.. وانا شخصيا ما بحبو.. بس بحالتنا المقرفة.. لقيت الحق معو لما وشوشني.. وقال: مبروك عالمية. وكمل: إجوا يذكروا اللبنانية انن استعمرون من مية سنة.. ومن يومها زرعوا الخراب.. واليوم عم يقطفوا ما زرعوا.... ما إلي ذنب الشيطان..ف وكتب. وإنتوا حرين تصدقوا او لا؟؟؟؟

وقال كمان: في لبنانية عم يقبضوا حق النفط والغاز.. وإنو بكرة كل دولة رح تثبت بواخر وتسرق البترول والغاز.. ولبنان عالحياد ما بتدخل... وكيف بدو يتدخل وهو ضعيف؟؟؟ وبيتغنى: قوة لبنان بضعفو؟؟؟

وحكي عن التفجير قال: مش إنفجار.. وقال: بعرف مين فجر. بس لاول مرة بضحك من قلبي لما قال: بفزع قول مين فجر.. تجرأت وسألتو: في حكومة؟؟؟ هز براسو ونزلت دمعتو... قال: لبنان رح يخرب.. سألت: ليش عم تبكي؟؟؟ قال: عا اصحابي؟؟؟؟ كل المسؤولين متخرجين من مدرستي.. ما في حكومة.. قبل ترسيم الحدود البحرية.. وهني مش عبالن الترسيم... شفط الغاز ماشي من سنين... ولشو وجع الراس؟؟؟؟؟؟

المئوية.. السوداء

شو همكن ولو مرقت المية؟

عا بلد نشفتوا النبع من مية؟

إستعمرتوا البلد من قبل ميات

جيتوا تحموا فساد وحرامية

كان لبنان جنة.. سويسرا الشرق

كانت ريحتو مسك. صارت الجية

بكل شارع مزبلة وعالكوع مطمر

وبلادنا لولا الغاز والنفط منسية

والكل بيعرف حقيقة الموضوع

ما في حكومة قبل ترسيمات بحرية.