المرحوم أبو نعيم علي نعيم عبد الله

حبيبي يا خالو .... والله فراقك صعب... هلأ بعد مرور 20 يوم على وفاتك، حابه تعرف إنه والله فراقك صعب يا حبيبي...

شو بدي قول لك يا حبيبي؟؟

بدي قول لك إني تعبانه كتير على فراقك؟؟

بدي قول لك إنك كنت شمعتنا يلي بتنور طريقنا وإنطفأت شمعتنا؟

بدي قول لك إنك كنت وردتنا وذبلت و ماتت وردتنا؟

بدي قول لك إنك كنت قلبنا يلي عم ينبض وتوقف قلبنا عن النبض؟

بدي قول لك إنك كنت نور عيوننا يلي بنشوف فيهم وراح نو عيوننا؟

بدي قول لك إنك كنت روحنا وحياتنا وانتهت هلأ حياتنا؟

شو بدي قول لك يا حبيبي يا أبونعيم؟

بدي قول لك إني عم فكر فيك ليل ونهار و ما عم بتروح من بالي يا حبيبي؟ و لا الشغل ولا الحياة و لا العالم كله رح يقدر ينسيني ياك يا عمري؟

شو بدي قول لك يا حبيبي؟

بدي قول لك إني عم بتمنى الأيام ترجع فيني لورى حتى تعرف كم أنا بحبك و لتعرف مكانتك عندي يا حبيبي؟

بدي قول لك إني عم بتمنى الأيام ترجع فيني لورى لأعطيك دمي و قلبي و راسي ولا اسمع إنك تألمت أوقلت كلمة آه ؟

يا عمري يا خالو ...والله كل الكلام قليل بحقك يا حبيبي با أبو نعيم... و الله يا عمري أنا كتير تعبانه على فراقك....بس ما فيني قول إلا استغفر الله و أتوب إليه وإن لله وإن إليه راجعون...