الجميع مشتقلك كثير، ونفسه يشوفك لو مرة واحدة بس

بابا حبيبي،

أنا ما راح إسألك ليش رحت عنّا علشان ربنا بس بده شي ما حدا بيسأله ليش؟!

وبعرف انه أي شي من الله لازم نقول الحمدلله يس انا وحياة القرآن مشتقلك.. مشتقلك كثير، نفسي اشوفك لو مرة واحدة بس!

نفسي اصرخ وتوصل صرختي لالك وتشوف قديش انا محروق على غيابك.

انا بس انسى حالي واروح العب بحتقر حالي، مش قادر انبسط وانت مش موجود.على طول

كنت تقللي الزلمي ما بيبكي من انا وصغير، وتعودت حتى لما امرض واكون موجوع ما بتذكر اني مرة بكيت. بس وفاتك (مااصعب هالكلمة يابابا) خللتني ابكي ليل ونهار!

صدقني ما في بسط بعدك.

اشتقت احكي معك

اشتقت اطلع معك

اشتقت لضحكتك

ياربي اذا بدك تختبر صيري هذا امتحان كثير صعب وحياة الله.

يمكن برتاح شوي لما احلم فيك

على طول بحلم فيك قاعد بحديقة كثير كبيرة وبس اقلك تعا لعنّا ما بتقبل وبتقللي انك كثير ميسوط، يارب تكون مرتاح وتروح عالجنة، يا اغلا اب واحنّ اب واجمل اب واحسن اب في هالدنيا، والله غيابك خسارة كبيرة يا حبيبي...

ابنك وحبيبك احمد.