عدم مبالاة الجهات الرسمية.. حماية للمخالفين

جاءنا من أحد المواطنين، سكان الشارع العام في الخيام، حرفياً ما يلي:

«

إلى إدارة موقع خيام دوت كوم،

تحية طيبة،

لو سمحتو أن تتفضلتو بالإضاءة على مشكلة الازعاج المقيت والمقرف اللي تخطى جميع الحدود بالخيام وخاصة عالشارع العام من ورا الموتسكلات.

شباب زعران عطيلة بيضلو لساعات الفجر وبنصاص الليالي يسرعو بالموتسكلات عالخط العام والموتسكلات معدل اشكمانها وبطلع صوت كتير مزعج وحتا في واحد من دبين مش من الخيام.

اهل الشارع العام رفعو الصوت وصار مشاكل كتير وحكو الدرك ورئيس البلدية ومتل قلتها ما وصلو لنتيجة.

المشكلة عم تزيد والعالم فقعت وصار معاها توتر وقهر وضغط وسكري والحياة صارت صعبة والسكن صار مقرف عالشارع العالم ولا يطاق…

بيت عياش وحمود وجمعة وبدران وزلايا وعواضة وكل سكان الشارع حكو مع رئيس البلدية وما في نتيجة.

»

إنتهى

كونه من حق كل مواطن أن ينعم بالراحة والأمان في بيته..

لذا،

المطلوب من بلدية الخيام الكريمة القيام فوراً بواجباتها، في إطار الصلاحيات المعطاة لها، والإيعاز لعناصر شرطتها لإجراء اللازم والمعالجة..

وحال عجزها، عليها أن تتوجه بكتاب إلى محافظ النبطية للإحالة إلى الجهات الأمنية لوضع حد لعمليات الإزعاج ولإقلاق راحة المواطنين.

ونحن على ثقة من أن المحافظ على قدر المسؤولية لما لمسناه منه من قرارات ومواقف تصبّ في مصلحة وحقوق المواطن.

حال الشارع العام في الخيام