أغنية جديدة «ديمقراطية مين؟ - عكس التيار باند»

تغنيها نتاليا أبي حيدر من كلمات المحامي الناشط الاجتماعي والشاعر باسل عبدالله

ألحان: مازن بو حمدان وباسل عبدالله

إيقاع: شادي ذبيان (رق وكاخون)

توزيع: باسم الداعوق

تسجيل: استديو باسم الداعوق

كاريكاتير باسل عبدالله

إنتاج عكس التيار باند 2022

كلمات الأغنية:

ديمقراطيِّة مين؟

عم تضحك عا مين؟

مْمَشِّي بلادَك عا دعساتك والشعب حزين !

*

الكلمة لِبتُطلَع من تِمَّك ما بِتصِير تنَين

والوطن مَرهُون بكِلمة وعم يِغرَق بالدين

عنادَك عم بِطول

وما عِندَك حلُول

عَم تِلعَب بْشارع والع وبْقدَر مَجهُول

*

مفكِّر حَالك الله اختارك تا تِحكُم وتسُود

مَوهُوم وعايش بِكِذبِة وبَلدك عم بِـمُوت

إنت مين بتكون؟

حاقد أو مجنون؟

كَرَّش طموحَك وعَربَش عا ظهر القانون

*

بتتكبر نافش رِيشاتَك قال إنك طاووس

وعا عتْبَات الباب العالي بتِتحول لـ صُوص

بعِلمِي إنتَ البَيك

و"قرارَك لديك"

ولما يُحضَر حاكِم أمرك بِتْرَخِّي جناحَيك!

*