روان سويد: شيئ من وجع المواطن

الكاتبة روان سويد
الكاتبة روان سويد


نحن ببلد قرروا عنك انن يعيشوك متل ما هني بدن،

نحن ببلد بياخدوا فيه قرارات بتخصك، وانت مجبور تعيش متل ما هني بدن،

انت ببلد مجبور تعبي تنكة البنزين بـ مليون ونص بوقت كان هيدا المبلغ بشكل ألف دولار، بتعيش عيلة فيها ببلد عايش للأسف ع الدعم.

ثلاثين سنة وانتو عم تجلدوا فينا...

ثلاثين سنة وانتو عم تمثلوا مسرحية عنوانها نهاية البلد..

يا ابن البلد انت بتعيش غصب عنك عنّا ونحن منقرر عنك..

ثلاثين سنة وانتو نفس النهج والفكر و نفس النمطية..

ثلاثين سنة وانتو عم تخططوا كيف تاخدوا كل شي من مصاري واحلام ومشاريع وخطط ببلد ممنوع ضل في اذا هني ما اخدوا منك..

ثلاثين سنة وانتو كذابين وعم تكذبوا علينا بخطط مصرفية، سرقتوا مصريات المغتربين والمقيمين والمتقاعدين اخدتوا تعب وشقى عمر ناس أفنت حياتها كرمالكن..

ثلاثين سنة وانتو حرامية بجدارة..

دمرتوا أجيال وهجرتوا أدمغة بتحلم كانت ببلد اسمو لبنان..

نحن شعب قبل ما يقلك صباح الخير بقلك بقديش الدولار..

شعب صار عندو أولوية بس كيف يأمن فاتورة كهربا الاشتراك او فاتورة الماي او اجار البيت أو كيف يعبي تنكة بنزين ليروح ع شغلو لي اساسا المعاش اقل من فاتورة الاشتراك..

صار همّ المواطن كيف بس ياكل ويدفع فواتير..

رحمك الله يا لبنان..

تعليقات: