ريسة غادة عون

عم تعترضي على عدم قانونية قرار مدعي عام التمييزي المنتدب من رئيس مجلس القضاء الاعلى بوقف يدك عن كل الملفات، وأمر القوى الامنية بالتمرد عليك؟

يا ريسة اللي طلع هيك قرار فعلا مش شخص مدعي عام ولا رئيس مجلس قضاء اعلى ولا كل العدلية..

اللي طلع القرار هو الدولة العميقة في الحكومة والمجلس النيابي..

اللي طلع القرار بالإجماع، هو تحالف الكتل النيابية في الحكومة والمجلس. بكرا بيوزعوا أدوار..

ما بتصدقي؟

ما بتسالي ليش ما في ملف واحد تحقق فيه وطلع منه مرتكبين..

انتظري واسمعي مين حيرفع الصوت للاعتراض على هالقرار المخالف للقانون، من شخص ايضا تعين خلافا للقانون حسب رأي بعض القانونيين.

يا ريسة ما عاد تهتمي..

من هون ورايح، اذا هيك قرار ما حرك رأي عام ومودعين وموظفين للنزول متل ما نزلوا وقت 14 و8 آذار، لا أسف عليهم ولا على ودائعهم ولا وظائفهم ولا تعويضاتهم.

يا ريسة نحن وانت بنرفع رؤوسنا بالعالي، ولو كانت اكثر الرؤوس الباقية خانعة خاشعة كاسرة رقبتها للذل..

وللحديث تتمة.. لماذا صدر هذا القرار نتيجة فتحك ملف هو باكورة ملفات النهب..

الى حينها خلينا نشوف تعليقات السياسيين درجة اولى للعاشرة، والصحافيين اللي ما بيتكنسوا عن الشاشات..

رح تشوفي كيف اكثرهم صم بكم عمي.. ودولارات..

٦ حزيران ٢٠٢٤

حسن أحمد خليل