سوليدير اللي سرقوها وباعوها.. مدينة اشباح

كل مرة بتحضر جلسات المناقشة في المجلس النيابي العار، بتكتشف انه محكوم من شر وغباء مزدوجين..

هلق رجعوا يحكوا عن عقارات الدولة للبيع بعشرات المليارات..وكانو لبنان الوحيد اللي عنده اراضي.. وانو يعملوا صندوق لاصول الدولة..

بس ما حدا سأل عن اذا فيه مشترين، وليش بدهم يرغبوا بلبنان بعد تدمير الثقة بالمصارف والقضاء وبالحاكمين؟

هني ما بيشوفوا انو اسواق التبضع فاضية، وانو مراكز التسوق عم بتشتغل على كم قهوة بس؟ وسوليدير (اللي سرقوها كمان وباعوها)، مدينة اشباح متفرقة..

وانو الاقتصاد مش شهرين صيفية بس؟

وانو البلد مفلس، وبلا انتاج فعلي غير السوق السوداء.. وبيطلعوا يقولوا لبنان مش مفلس وغني.. بس "متعثر". يا حرام..

وبعدهم بيروجوا انو الحل بيع العقارات وايراد مؤسسات الدولة.. والمستثمرين رح يتقاتلوا عليها، بينما هني بعد رئيس ما انتخبوا، ومجلس نيابي، فيه بعض نواب لصوص متحالفين مع بعض المصرفيين. بين الغباء والجهل.. والجشع والطمع، ما بيوقف بطريقهم شيء.. وبيدعسوا على كل شعبهم بمن فيهم اللي عبدهم.

اللي بينتظر حل من هالجماعة متل اللي بينتظر من عاهرة تتوب.. والاحتمال الثاني ارجح..

١٤ حزيران ٢٠٢٤

حسن أحمد خليل