فرقة موسيقية تعزف في منطقة الزيتونة وسط بيروت احتفالاً بيوم الموسيقى

ما حدا عنده جبهة قوية داخلية تسانده متل لبنان..

لبنان جنوبه مشتعل، بس عنده جبهة داخلية صلبة من حوالي 100 مطرب وفنان بقيادة المغوار اللي بيجيب 20 الف جمهور، وتلفزيوناتهم، بيولعوا الاخضر واليابس، ووراهم مليانة المطاعم والاراكيل... وعنده بعض النواب و"الاحزاب اللبنانية السيادية"، حلف الناتو ما عنده هيك..

وعنده دولة محافظة على امواله، ومجهزة لكل الاحتمالات، بما فيها حماية المسابح على الجبهة..

العدو ما عنده شيء من كل هيدا..

ويالله... يا صفية. ليش خيفانة.. الليلة في فنانة تانية. حتغني ضد غادة عون، اللي سرقت المودعين وعاملة صفقة مع المصارف .. او.. او.. . نسيت..

يالله يالله قومي نلبس. وجيبي ال200 دولار، والا ما بنلاقي كرسي..

١٧ حزيران ٢٠٢٤

حسن أحمد خليل