هلّق بدّك تقلي إنو حزب الله وأمل بيمثلوا 70 بالمية من الشيعة؟!

واردة كتير وليش لأ...

هلّق بدّك تقلي انو وليد جنبلاط بيمثل 70 بالمية من الدروز؟!

واردة كتير وليش لأ...

هلّق بدّك تقلي انو سعد الحريري بيمثل 70 بالمية من السنّة؟!

واردة كتير وليش لأ...

هلّق بدّك تقلي انو الطاشناق والهنشاق بيمثلوا 70 بالمية من الأرمن؟!

واردة كتير وليش لأ...

هلّق بدّك تقلي انو حركة حماس وفتح بيمثلوا 70 بالمية من الفلسطينية؟!

هلّق بدّك تقلي انو الأكراد بيمثلوا 70 بالمية من الأكراد!!

وهلّق بدّك تقلي انو البطرك هزيم بيمثل 70 بالمية من الروم الأرثوذكس؟!

وهلّق بدّك تقلي انو بابا روما بيمثل 70 بالمية من الكاثوليك في العالم؟!

أي ليش لأ؟!

هذه الجملة ما برحت تجتاحنا ليلاً ونهاراً أينما انوجدنا وكيف ما برمنا، بالسرّاء وبالضرّاء وعالعالي وعالواطي. لا أدري أين هي المشكلة إذا كان الجنرال عون يمثّل 70 بالمئة من المسيحيين. هلّق بدك تقلّي انو كل شيء وارد في هذا البلد ما عدا فرضية ان الجنرال ما زال يمثل 70 بالمئة من المسيحيين!!؟ ولمَ لا؟!! هل لأنه لم ولن يسرق أموال الناس؟؟!! أم لأنه يريد جمع اللبنانيين بكل اختلافاتهم وتشعّباتهم؟!! أم لأنه مجنون يحلم بلبنان وطن كوطن الرحابنة؟! أم لأنه مستقل تمام الاستقلال عن كل ارتباط خارجي (وكما نعلم أن من الممنوع في هذا البلد أن نجد مسؤولاً دون ارتباط خارجي؟!) أم لأنه دفع حياته منذ عام 1989 في ملاجئ قصر بعبدا مدافعاً عن لبنان وعن الفكرة التي تبنّتها “جمعية 14 آذار” بعده بـ15 سنة؟! وبعدها قضى منفياً لمدة 15 سنة، ومنذ عام 2005 رجع الى لبنان ليعيش في الخطر من اغتيال ما...

أجل يا سيدتي، إن الجنرال عون يمثل 70 بالمئة من اللبنانيين بكل طوائفهم ومذاهبهم عموماً و70 بالمئة من المسيحيين خصوصاً. مع اعتذاري الشديد لهذه الواقعة الكابوسية...

فكفانا مهاترات وولدنات “وخلّصونا من هالسؤال”:

هلّق بدّك تقلّي انو الجنرال، بيمثّل 70 من المسيحيين؟!