قلّو: يا خيي رجعوا اللبنانيي،

قلّو: يا خيي رجعت أصحاب الأرض،

قلّو: يا خيي رجعت معهم زوّار،

بس لا رجع بيي ولا اتصل حدا فينا،

قلّو: يا خيي عرفت ياللي صار،

لعند جدي مين اليوم يهدينا،

قلبو لجدي بعد الحرب صار شعلة نار،

كنا دايما نروح لعندو وينبسط فينا،

ولعند عماتي وعمنا،

وستي يا خيي عم تنادينا،

جدي يا خيي راح يحكيلنا مبارح شو صار،

بكل المطارح،

ومطرح ما مشي بيي بزقاقات الخيام،

راح يودينا،

ومنشوف بيتو لجدي،

وببيت بيي،

وبيوت الجيران وكل الاهل،

شو صار،

و مننده يا بيي عالارض،

عالارض يلي بتحبها جينا،

وامي واختي بيسألوا الزوار،

كيف اليوم أرض الخيام،

ارض الخيام الحبيبة،

اليوم كلها زهور،

وأشلاء مقاومين وثوار،

قلّو يا خيي،

رجعت أصحاب الأرض،

رغم كل اللي جرى،

وكل يلي صار.

هيفاء نصّار - أوتاوا، كندا

الواقع في 4 آذار، 2025

جدّ الكاتبة هيفاء نصّار، لوالدها، المرحوم الحاج علي نصّار

والد الكاتبة هيفاء نصّار المرحوم الحاج حسين نصّار