حلوة كتير الصبحيّة الخياميّة

فنجان القهوة والهويات الباردين والغطغيطة ....

الجار عميعمل الرياضة الصباحية قبل ما تطلع الشمس ....

الفرّان عمبيعجن عبكيّر و عمبيحمّي الفرن......

الحج نزل عالساحة تيجيب السودة للترويقة ، ولحم الشوي للنزلة عالوزاني .....

عمّي الحج عمبيجهز أرجيلتو الصباحية ....نفّخ عليها من بكرة الصبح تنجلي.....

جدّي الحج وصل مأخّر شوي ....كان عمبيحوّش التينة.....

سكون و سكوت و رواء و كزّة برد حلوة و ما بيقطع كل هالسكون غير ....فيروز

بحبك يا لبنان يا وطني .....

و أنا غنيت بحبك يا لخيام......

حلوة كتير الصبحية الخيامية

شكراً موقع خيام .كوم للتخفيف عنّا في غربتنا ،

فالصبحية ما زلنا نقوم بها و إن من بعيد ، من داخل مكاتبنا وغرف منازلنا عبر تصفح الموقع ...

و فنجان القهوة الصباحية لا يحلو و لا يطيب إلاّ إذا فتحت الصفحات ذات العناوين الشيقة و الجديدة...

بالمناسبة ، مع اقتراب عدد زوار الموقع من المليون ....

بدّي قول : يعطيكم العافية و إلى الأمام دوماً و ما تنسوا تزيدوا خانة للمليون :)